काठमाडौं, असोज २०
टि २० विश्वकपको छनोट खेल अघि आयोजना गरिएको ट्रायल सिरिजको दोस्रो खेलमा नेपालले नेदरल्याण्डलाइ चार विकेटले पराजित गरेको छ ।
सोमबार भएको खेलमा नेदरल्याण्डले टस हारेर पहिला ब्याटिङ गर्दै १९ ओभर २ बलमा अलआउट हुँदै १ सय ३३ रन बनाएको थियो । जवाफी व्याटिङमा उत्रेको नेपालले १९ ओभर ५ बलमा १३४ रनको लक्ष्य पुरा गर्दै जित हासिल गर्यो ।
नेपालका लागि करणले १४ बलमा १ चौका र ३ छक्कासहित अविजित ३१ रन बनाउन सफल भए । त्यस्तै कप्तान पारस खड्काले सर्वाधिक ३३ रन बनाएका थिए । बिनोद भण्डारीले २६ रन जोडे ।
नेदरल्यान्डका खेलाडी म्याक्सवेल प्याट्रिक ओ’ डोडले सर्वाधिक ४३ रन बनाए । नेपालका लागि सन्दीप लामिछानेले ४ ओभरमा मात्र २० रन खर्चेर ४ विकेट हात पारे । त्यस्तै करण केसीले ३ ओभर ३ बलमा १७ रन खर्चेर ४ विकेट लिए ।
पहिलो खेलमा आइतबार नेपालले हङकङलाई ४ विकेटले पराजित गरेको थियो ।
उक्त सिरिजमा नेपालसहित आयोजक ओमन, हङकङ, नेदरल्याण्ड र आयरल्याण्ड सहभागि छन् । नेपालले तेस्रो खेलमा आयरल्याण्डसँग असोज २२ र अन्तिम खेलमा नेपालले ओमनसँग असोज २३ गते खेल्ने छ ।
ओमनमा जारी उक्त खेल असोज १८ देखि २३ सम्म चल्नेछ ।
