विराटनगर, चैत १८
विराटनगरका प्राईभेट क्लीनिकहरुले कोशी अञ्चल अस्पतालको नाम दुरुपयोग गरी बिरामी झुक्याईरहदा महानगरभित्र रहेका नियामक निकायहरु भने मौन छन् ।
बारम्बार संचारमाध्यममा सो विषय उठान हुँदा समेत महानगर भित्र रहेका नियामक निकायहरुले अनुगमन गर्ने जर्मोको गरेका छैनन् ।
विराटनगरको कोशी अस्पताल आसपासमा विकास सरदारको समुहले विभिन्न किलिनिक संचालन गरी विरामी ठग्ने गरिरहेको यसअघि पनि जनचर्चा डट कमले ठोस प्रमाण सहित समाचार संप्रेषण गरेको थियो ।
सरदारले आफ्नो क्लिनीकको भिजिटीङ कार्डमा कोशी अस्पतालमा कार्यरत्त डाक्टर र कोशी अस्पतालको नाम दुरुपयोग गरेर विरामीलाई झुक्याउने गरेका छन् ।
झट्ट हेर्दा कोशी अस्पतालकै अफिसियल भिजिटिङ कार्ड जस्तो देखिने गरी सरदारले फर्जी कार्ड छपाएका छन् । त्यस्ता भिजिटिङ कार्डमा सम्पर्क नम्बर भने प्राईभेट क्लीनिकको दिईएको छ । विरामीहरु पनि सरकारी अस्पताल हो भन–ठानेर सो नम्बरमा सम्पर्क गर्ने गर्दछन् । तर उक्त कार्डमा दिईएको नंम्बरमा फोन लगाउदा कोशी अस्पतालमा नभएर कुनै प्राईभेट क्लीनिकमा फोन जाने गर्दछ ।
बिरामीले फोन सम्पर्क गर्दा क्लीनिकका प्रतिनिधिले अस्पतालमा भन्दा राम्रो सेवा क्लीनिकमा पाईने भन्दै विरामीको माईड डाईभर्ट गर्ने काम गर्दछन् । सोझा–साझा विरामीलाई ठगेर, झुक्याएर र डराएरै भए पनि क्लीनिकमै आउन बाध्य पर्दछन् । कार्डको नम्बरमा सम्पर्क गर्ने विरामीलाई मनोवैज्ञानिक प्रभाव पार्ने गरेको उनीहरुको झाँसामा परेका विरामीहरुले बताउने गरेका छन् ।
विराटनगर महानगरपालिका भित्र महानगरकै जनस्वस्थ्य महाशाखा, जिल्ला प्रशासन कार्यलय तथा स्वास्थ्य क्षेत्र हेर्ने समाजिक विकास मन्त्रालय हुँदा समेत यस विषयमा गम्भीरतापुर्वक अनुगमन गर्ने कुनै पनि निकायले जमर्को गरेको पाईदैन ।
याे पनि पढ्नुहाेस् : कोशी अस्पतालमा लगाएको फोन कसरी पुग्छ प्राईभेट क्लीनिकमा ?
