विराटनगर, चैत २५
आयोजक समितिले विराट गोल्डकपको अन्तिम तयारी पुरा भएको भन्ने जानकारी दिन आयोजना गरेको प्रेस मिटमा न्युन पत्रकारले मात्र उपस्थिती जनाएका छन् ।
मंगलबार साँझ आयोजना भएको उक्त मिटमा गोल्डकप संयोजक मनोज विक्रम साहले आफ्नो पौरखको कथा सुनाईरहदा सुन्ने अधिकांस उनकै आसेपासे मात्र थिए ।
पत्ररकार सम्मेलनमा औलामा गन्न मिल्ने गरी जम्मा ५\६ जना पत्रकारको उपस्थिती रहेको थियो । संयोजकले साहले धेरै पत्रकारलाई स्वयम् फोन गरेर बोलाउदा पनि अधिकांस पत्ररकारहरुले चैत २५ गते हुन लागेको पत्रकार महासंघको चुनावको व्यवस्थतालाई देखाएर आउन नसक्ने जफाव फर्काएका थिए ।
तर गुदी कुरा भने आर्कै रहेको खुल्न आएको छ । गोल्डकपका संयोजक मनोज विक्रम साहको अपरिपक्क व्यवहारका कारण पटक पटक अपमानित हुँदै आएका पत्रकारहरु फेरी पनी अपहेलीत हुनसक्ने डरले पत्रकार सम्मेलनमा नपुगेको बुझिएको छ ।
यसअघि पनि मनोजले गोल्डकपबारे जानकारी दिन आयोजना गरेको पत्रकार सम्मेलनमा पत्ररकालाई होच्याउने काम गरेका थिए । फोर–स्टार होटलमा आयोजना गरिएको प्रेस मिटमा समेत पत्रकारलाई बस्ने कुर्सी मिलाउन नसकेको र अतित्थ्य व्यवहार नदेखाएको भन्दै पत्रकारहरु साहसँग पहिलादेखि नै रुष्ट छन् ।
पत्रकार महासंघको चुनावको चटारोको कारण पत्रकारहरु उपस्थिीत नभएको भनेर सोच्नु वा ठान्नु आयोजकले चित्त बुझाउने मेलो मात्र हो । किनभने चुनावमा सक्रिय भएर नलागेका पत्रकारहरुको समेते उक्त कार्यक्रममा उपस्थिती रहेको देखिदैन ।
मोरङमा अधिकासं पत्रकारहरु व्यवसायीक पत्रकारीता गर्दछन् । विराटगोल्ड कप जस्तो एतिहासिक खेलको समाचार संकलनको लागी चुनावको विचबाट पनि आधा घण्टा समय निकाल्नु पत्रकारहरुको लागी कुनै ठुलो कुरा थिएन । तर संयोजक मनोजको व्यवहारबाट त्रसित बनिसकेका पत्ररकारहरु अझै पनि उनको कार्यक्रमको फेस गर्न डराईरहेका छन् ।
