विराटनगर, भदौ १२
निरज बस्नेत
विराटनगरको मेनरोडमा रहेको सेन्ट्रल मलभित्रको सेन्ट्रल मल्टिप्लेक्समा आज एशिया कप अन्र्तगतको भारत–पाकिस्तान बीचको महाभिडन्त हुदैछ । आज साँझ ७ः४५ बजेबाट म्याच शुरु हुनेछ ।
टि–ट्वान्टी फर्मायटको एशिया कपमा चिरप्रतिद्धन्द्धी भारत विरुद्ध पाकिस्तान बीचको यस म्याचलाई अर्थपूर्ण तरिकाले हेरिएको छ । दुवै राष्ट्रमा क्रिक्रेटलाई धर्मकै रुपमा दाँजिन्छ । भारतको क्रिकेट संघ विसिसिआई संसारकै दोस्रो धनी खेलकूद संस्था हो । यता पाकिस्तान क्रिक्रेट संघ पिसिवी भने आर्थिक मन्दीसँग जुधिरहेको छ । खैर, यो त आर्थिक पाटोको कुरो भयो ।
मेनकुरो मेनरोड विराटनगरमा रहेको सेन्ट्रल मल्टिप्लेक्समा प्रत्यक्ष प्रशारण गरिने आजको भारत–पाकिस्तान बीचको महत्वपूर्ण म्याचकै हो । अक्सर, दुई राष्ट्र बीचको प्रत्येक खेललाई संसारभर अरु राष्ट्रले समेत चासो पूर्वक हेर्ने गर्दछन् । भारतको राष्ट्रिय खेल हक्की हो । तर, भारतमा क्रिकेटमा जतिको लगाव हक्कीमा त के, अन्य कुनै खेलमा छैन ।
भारतमा तिन कुरा बढी फोकसमा छ । पहिलो राजनीति, दास्रो फिल्म ईन्डष्ट्रिज र तेस्रो क्रिक्रेट हो ।
याद गरौ, पाकिस्तान यस्तो देश हो । जहाँका प्रधानमन्त्री समेत क्रिक्रेटकै हस्ती ईमरान खान हुन् । ईमरान आफ्नो जमानाका यस्ता क्रिक्रेटर हुन्, जसको कप्तानीमा पाकिस्तानले सन् १९९२ को विश्वकप क्रिक्रेटको उपाधि चुमेको हो । पूरा ४० ओभरको म्याच भएमा ४ देखि ५ घण्टा हुनेछ ।
भारत रोहित शर्माको कप्तानीमा मैदानमा उत्रिनेछ, भने पाकिस्तान बाबर आजमको कप्तानीमा मैदान उत्रिनेछ । दुवै राष्ट्रमा प्राय युवाकै वर्चस्व छ ।
