विराटनगर, भदौ १३
निरज बस्नेत
दुवईमा जारी एशिया कप अन्र्तगतको ग्रुप ए को पहिलो म्याचमा भारतले पाकिस्तानलाई ५ विकेटले हराएको छ । गएराति सम्पन्न खेलमा टस जितेको भारतले फिल्डिङ गर्ने निर्णय गरेको थियो । निर्धारित २० ओभरको खेलमा १९.५ ओभरमा अलआउट हुदै पाकिस्तानले १ सय ४७ रन बनायो । जवाफी ब्याटीङ गरेको भारतले १९.४ ओभरमा निर्धारित लक्ष्य १ सय ४८ रन बनाएको हो ।
भारतका लागि रविन्द्र जडेजाले महत्वपूर्ण ३५ रन २९ बलमा बनाएँ । ५ औं विकेटको लागि जडेजाले हार्दिक पाण्ड्यसंग ५२ रनको साझेदारी गरेका हुन् । हार्दिकले १९ औं ओभर चलिरहदा तिन चौंका प्रहार गर्नु नै जितको आधार बनेको थियो ।
शुरुवातमा ओपनर के. एल. राहुललाई भारतले ० मै गुमाएको हो । कप्तान रोहित शर्मा १२, विराट कोहली ३५ रन बनाई आउट हुनपुगे । अन्तिम ३ बल बाँकी छदाँ भारतलाई जितका लागि आवश्यक ६ रन हुदा हिटर हार्दिकले छक्का हानी खेल जिताएँ ।
पाकिस्तानका लागि कप्तान बाबर आजमले टिमको लागि खासै योगदान गर्न सकेनन् । बाबरले ९ बलमा १० रन मात्र प्रहार गरे । फखर जमान ६ बलमा १० रन, ईफ्तिखर २२ बलमा २८ रन, रिजवान ४१ बलमा ४३ रन, आसिफ ७ बलमा ९ रन, बनाई पवेलियन फर्किएका हुन् ।
भारतका लागि सर्वाधिक ४ विकेट भुवनेश्वर कुमारले लिन सफल भएका हुन् । हार्दिकले ३ र अर्शदिपले २ विकेट लिएँ । पुरै घम्साघम्सीपूर्ण यस खेलमा अन्ततः जित भारतकै भयो । एशिया कप लगतै भारतले अष्ट्रेलिया र साउथ अफ्रिकासंग ३, ३ टी–ट्वान्टी म्याच खेल्नेछ ।
