विराटनगर, कार्तिक ३०
निरज बस्नेत
पाँच पटकको विश्वकप फुटवलको उपाधि चुमेको ब्राजिल यो पटक पनि उपाधि उचाल्न सक्ने राष्ट्रमा पहिलो नं. मा पर्छ । सर्वाधिक विश्वकपमा सहभागिता जनाउने देश भएकै कारण समेत ब्राजिललाई सफल मानिन्छ । विश्व फुटवलका सफलतम् खेलाडी नेइमारको नेतृत्वले ब्राजिललाई झन् सशक्त बनाएको छ ।
कतारमा हुने २०२२ को विश्वकप फुटवललाई संसारभरबाट प्रतीक्षा गरिएको पाईन्छ । ब्राजिलको समूहमा सर्विया, स्वीट्जरल्याण्ड, क्यामरुन छन् । ग्रुप जी अन्र्तगतको लिग चरणको यस खेलमा ब्राजिललाई सजिलो पर्ने सवैको अनुमान छ । ब्रालिलको प्रमुख कोचमा टिटे छन् । ब्राजिलले सन् २०१८ को विश्वकप सुरुवात स्वीट्जरल्याण्डसँग १–१ को बराबरी सँगै गरेको थियो । तर, यसपाली यूवाहरुले भरिपूर्ण ब्राजिलको टिम सवै कोणवाट स्ट्रोङ छ ।
यता यसपल्टको ब्राजिलको दक्षिण अफ्रिकी छनौट सुखद रहेको छ । पूरा गेममा ब्राजिल अपराजित रहेको हो । ब्राजिलले अन्तिमपटक सन् २००२ मा जापानमा विश्वकप जितेको थियो । यसपालिको लिगचरणको पहिलो खेल ब्राजिलको सर्वियासँग रहेको छ । फिफा वरियतामा ब्राजिल अहिले पहिलो नम्वरमा पर्छ ।
ब्राजिलले सन् १९५८, १९६२, १९७०, १९९४, र २००२ गरी ५ पटक विश्वकप जितेको छ । यता कोपा अमेरिका १९१९, १९२२, १९४९, १९८९, १९९७, १९९९, २००४, २००७, २०१९ , त्यस्तैगरी अन्तरमहादेशीय कप १९९७, २००५, २००९ र २०१३ मा जितेको छ ।
