विराटनगर, मंसीर २८
निरज बस्नेत
प्याव्सन विराट कप फुटवल टूर्नामेन्ट विराटनगरमा १ पुष देखी ८ पुषसम्म हुने तय भएको छ । विराटनगरमा बुधवार आयोजित पत्रकार सम्मेलनका क्रममा यस कुराको जानकारी गराइएको हो ।
दोस्रो संस्करणको यो टूर्नामेन्टमा विजेताले सुन–चाँदी जडित शिल्डकप प्राप्त गर्नेछ । ८ दिनसम्म चल्ने यो प्रतियोगिता स्थानीय शहिद रंगशाला विराटनगरमा हुनेछ । प्याव्सन आवद्द ३० सदस्य विधालयको सहभागिता रहने कुराको जानकारी कार्यक्रम संयोजक नन्दलाल मण्डलले दिएका छन् ।
टुर्नामेन्टमा कक्षा १० सम्म अध्ययनरत १७ वर्षदेखी मुनिका उमेर समूहका खेलाडीले भाग लिनेछन् । प्रतियोगिता सम्पन्न गर्न ७ लाख ६१ हजार रुपैया खर्च हुने प्रारम्भिक अनुमान छ । प्याव्सन विराटनगरका अध्यक्ष मोहन बुढाथोकीका अनुसार फुटवल खेलप्रति अभिरुची जगाइ राष्ट्रिय तथा अन्तराष्ट्रिय खेलाडी उत्पादन गर्ने दृढ संकल्प र विश्वासको साथ प्रतियोगिता गर्न लागिएको बताएँ ।
फुटवलमा नयाँ आयामको लागि प्याव्सन विराट कप गर्दे आएको प्याव्सन विराटनगरका उपाध्यक्ष अर्जुन श्रेष्ठले बताएका छन् । यसपटकको फुटवल नकआउटको आधारमा खेलाइनेछ । कार्यक्रम संचालन विराटनगर प्याव्सनका सचिव असोक लामाले गरे ।
