२० चैत्र २०८१, बिहिबार
03-04-2025 , Thu
Gold Silver Price (19 chaitra 2081, TUE)
Fine Gold 1 Tola NRs. 180200
Silver 1 Tola Nrs. 2050

विराटनगरमा कहाँ खुल्याे “शैलुङ रेष्टुरेण्ट” ?

SAILUNG RESTAURANT
Logo
जनचर्चा संवाददाता प्रकाशित बुधबार, कार्तिक १४, २०८१

विराटनगर, कार्तिक १४ । विराटनगरको खाद्य संस्कृतिमा नयाँ आयाम थप्दै शैलुङ रेष्टुरेन्ट संचालनमा आएको छ।  विराटनगर महानगरपालिकाबाट १०० मिटर उत्तरतर्फ मेनरोडमा अवस्थित साे रेष्टुरेन्ट विराट स्कुल अफ होटल म्यानेजमेन्टले संचालनमा ल्याएको हो।

विगत पाँच वर्षदेखि सोही स्थानमा होटल म्यानेजमेन्ट तालिम दिँदै आएको विराट स्कुल अफ होटल म्यानेजमेन्ट (BHSM) को अनुभवी जनशक्तिले नै रेष्टुरेन्टको संचालन गर्दैछन्। संचालक आभास थापाका अनुसार आफ्नै होटल म्यानेजमेन्ट स्कुल भएकाले खाना पकाउनेदेखि पस्कने र रेष्टुरेन्ट व्यवस्थापनसम्मका सबै काम दक्ष व्यावसायिक जनशक्तिबाट गराइने व्यवस्था मिलाइएको छ।

आकर्षक वातावरण र उच्च गुणस्तरीय खानाको संगम रहेको यस रेष्टुरेन्टको विशेषता भनेको यसको अनौठो डिजाइन हो। ओपन रुफको अवधारणामा निर्माण गरिएको यहाँ खुला आकाशमुनि भोजनको आनन्द लिन सकिन्छ। परम्परागत शैलीका खरको छाना र बाँसले निर्मित कटेजहरूले थप आकर्षण थपेका छन्। यी वाहेक यँहा रहेकाे दुई तले कंक्रिट भवनको माथिल्लो तल्लामा होटल म्यानेजमेन्टका कक्षाहरू संचालन हुने गरेका छन् भने तल्लो तल्ला रेष्टुरेन्ट विस्तारको चरणमा रहेको छ।

५० जना क्षमताको यस रेष्टुरेन्टमा भारतीय, चाइनिज र कन्टिनेन्टल परिकारहरूको विस्तृत मेनु उपलब्ध छ। बटर पनीर, चिकन बटर मसला जस्ता मेन कोर्सदेखि विभिन्न प्रकारका स्न्याक्स, पिज्जा, मोमो र पेय पदार्थहरूको विकल्प रहेको छ। विशेष गरी एक्सप्रेसो, डोपियो, लाटे जस्ता विशिष्ट कफी र विभिन्न प्रकारका सफ्ट तथा हार्ड ड्रिंक्सको उपलब्धताले यसलाई पूर्ण रेष्टुरेन्टको रूपमा स्थापित गरेको छ।

होटल म्यानेजमेन्ट स्कुलको सुविधा प्रयोग गर्न सकिने भएकाले न्यून संचालन खर्चका कारण सुलभ मूल्यमा उच्च गुणस्तरको खाना उपलब्ध गराउन सकिएको संचालक थापाको दाबी छ। गेट टुगेदर, जन्मदिन लगायत विभिन्न पार्टीका लागि विशेष प्याकेजको व्यवस्था समेत गरिएको छ। शान्त र परिवारिक वातावरणमा गुणस्तरीय खाना र सेवाको अनुभव लिन चाहनेहरूका लागि शैलुङ रेष्टुरेन्ट विराटनगरमा उत्कृष्ट विकल्प बनी रहेकाे छ ।

कमेन्ट गर्नुहोस्
सम्बन्धित

काठमाडौँ,१९ चैत । साथीलाई गोली लागेको विरोधमा कोटेश्वर बहुमुखी क्याम्पसका विद्यार्थीहरूले प्रदर्शन गरेका छन्। क्याम्पसमा बीबीएस तेस्रो बर्षमा अध्ययन गरिरहेकी विद्यार्थी रेविका खत्रीलाई गत चैत १५ गतेको आन्दोलनमा आफ्नै निवास नजिक गोली लागेको र अस्पतालको सघन उपचार कक्षमा उपाचार भइरहेको विद्यार्थीले बताएका छन्। उनको न्यायका लागि र दोषीलाई कडा भन्दा कडा कारबाहीको माग गर्दै विद्यार्थीहरू आन्दोलित […]

काठमाडौं १५ चैत ।  आज काठमाडौंमा एकसाथ गणतन्त्र पक्षधर र पूर्वराजा समर्थकले प्रदर्शन गर्ने भएका छन् । समाजवादी मोर्चामा आबद्ध नेकपा (माओवादी केन्द्र), नेकपा (एकीकृत समाजवादी), नेपाल समाजवादी पार्टी र विप्लव नेतृत्वको नेकपाले भृकुटीमण्डपमा प्रदर्शन गर्ने भएको हो । देशमा प्रतिगामी तत्वहरुले टाउको उठाउन खोजेको भन्दै उनीहरु व्यवस्था जोगाउन र सरकारको गलत क्रियाकलापको खबरदारीका रुपमा सडकमा […]

काठमाडौं १४ चैत । राष्ट्रिय प्रजातन्त्र पार्टीका प्रमुख सचेतक तथा प्रवक्ता ज्ञानेन्द्र शाहीले नेकपा माओवादी केन्द्रका कार्यकर्ताहरुले आफूविरुद्ध अफवाह फैल्याएको आरोप लगाएका छन् । पछिल्लोसमय माओवादी अध्यक्ष एवं पूर्वप्रधानमन्त्री पुष्पकमल दाहाल प्रचण्ड र शाहीबीच नेपाल विद्युत् प्राधिकरणका निर्वतमान कार्यकारी निर्देशक कुलमान घिसिङको विषयमा होस् या राजावादी आन्दोलनको विषयमा कुराकानी भएको भन्दै फेक च्याटहरु भाइरल भएका थिए […]