विराटनगर, माघ १
मन्जिना मुभिज क्रिएशनको आयोजनामा बुधबारदेखि विराटनगरमा सडक महोत्सव शुरु भएको छ ।
महोत्सवमा ५० वटा स्टल छन् । स्टलमा नेवारी, थारु, मारवाडी, थकाली सहित स्थानीय विभिन्न जातिका खानाका परिकारहरू राखिएका छन् । खानाबाहेक स्थानीय उत्पादन, व्यावसायिक स्टल पनि राखिएको छ ।
महोत्सवमा दैनिक संगातिक कार्यक्रमको अयोजना पनि गरिएको छ । बुधबार नेपालका चर्चित गायक अनिल सिंहले प्रस्तिुति दिएका थिए । बिहिबार गायक प्रयन्त श्रेष्ठ आउने बताइएको छ । त्यस्तै शुक्रबार गायक सुगम पोख्रेल र अन्तिम दिन शनिबार अलमोदा राणा उप्रेतीले आफ्नो प्रस्तुती दिने कार्यक्रमको सहसंयोजक सन्तोष महतोले जानकारी दिए ।
४ दिने उक्त महत्सव दिनको ३ बजे देखि शुरु भएर रातको ८ बजेसम्म संचालन हुनेछ । महोत्सव विराटनगरको महेन्द्रचोकमा जारी छ ।
