काठमाडौं, चैत १२
नेपाल प्रहरीका तीन नायब महानिरीक्षक (डीआईजी) अतिरिक्त महानिरीक्षक (एआईजी) मा बढुवा भएका छन् ।
आइतबार बसेको मन्त्रिपरिषद बैठकले डीआईजी तारिणीप्रसाद लम्साल, शैलेश थापा क्षेत्री र हरिबहादुर पाललाई एआईजीमा बढुवा गरेको हो । लम्साल वर्तमान प्रहरी महानिरीक्षक ठाकुरप्रसाद ज्ञवालीका ब्याची हुन् । उनीहरुले २५ असार २०४७ मा प्रहरी सेवामा प्रवेश गरेका थिए ।
हालको ३० वर्षे सेवा अवधि प्रणाली कायम रहे क्षेत्री र पालमध्ये एक जनाले २४ असार २०७७ पछि नेपाल प्रहरीको नेतृत्व सम्हाल्नेछन् । ३० वर्षेको प्रावधान हटे ज्ञवालीकै कार्यअवधि बढ्ने छ ।
