विराटनगर, माघ ३०
नेपाली कांग्रेसका केन्द्रिय सदस्य गगन थापाले वैशाखमा निर्वाचन भए विराटनगरमा खुट्टा नटेक्ने उद्घोष गरेका छन् ।
बिहीबार विराटनगरमा नेपाली कांग्रेसद्धारा आयोजित वर्तमान राजनैतिक अवस्था बिषयक विचार गोष्ठी कार्यक्रममा बोल्दै थापाले सो घोषणा गरेका हुन् ।
वैशाखमा चुनावको घोषणा गरेर प्रधानमन्त्री ओलीले सत्ता लम्बयाउन मात्र खोजेको तर वस्तिक्तामा चुनाव गराउने सरकारको कुनै मनासाय नभएको उनको जिकिर थियो । सबै राजनितिक दल र आम जनतालाई चुनाव गराउने नाममा अल्झाएर मात्र राख्ने अहिलेको सरकारको रणनिति भएको उनको भनाई छ ।
कार्यक्रममा थापाले अदालतलाई सरकारको करकाप र दवाबमा नआईकन संसद पुनःस्थापन सम्बन्धमा फैसाला गर्ने समेत अग्रह समेत गरेका छन् ।
त्यस्तै आर्का वक्ता नेपाली कांग्रेसका केन्द्रिय सदस्य गुरुराज घिमिरेले अहिलेको सरकारले लोकतन्त्रलाई नियन्त्रणमा लिन खोजेका बताए । विधिको शासनमा बस्न नचाहने तनाशाह प्रवृतिका कारण प्रधानमन्त्रीले संसदलाई अपदष्त गरेको उनको भनाई थियो ।
