विराटनगर ,फागुन २
कोरोना माहामारी र बिभिन्न कारण दुईवर्षदेखि हुन नसकोको विराट गोल्डकप आगामी चैतमा हुने भएको छ । प्रदेश र स्थानीय सरकारबाट ब्यापक दबाब आएपछी विराट गोल्डकप फुटबल ट्रष्टले यस पटकभने प्रतियोगिता गराउने निणय गरेको हो । ट्रष्टले प्रतियोगिता आयोजना गर्न नसक्ने भए विराटनगर महानगरपालिका आफैले उक्त प्रतियोगिता गराउने चेतावनी दिएको थियो ।
उक्त प्रतियोगिता सञ्चालनका लागि ट्रष्टका पदाधिकारीहरुले प्रदेश १ का सामाजिक विकासमन्त्रीको जिम्मेवारी समेत सम्हालेका आन्तरिक मामीला मन्त्री हिक्मतकुमार कार्की र विराटनगर महानगरपालिकाका प्रमुख भीम पराजुलीसँग छलफल समेत गरी सकेका छन् ।
सो प्रतियोगिता कसरी आयोजना गर्ने बारे छलफल गर्न शनिबार ट्रष्टको बैठक समेत बसेको छ । उक्त बैठकले गोल्डकप आगामी चैत २५ गतेदेखि शुरु गर्ने निर्णय गरेको छ । प्रतियोगिताको संयोजकको जिम्मेवारी मनोज विक्रम साहले पाएका छन् ।
प्रतियोगिताको टिम तथा पुरस्कार राशीबारे ट्रष्टको आगामी बैठकको निणयले तय गर्ने बताइएको छ । कोरोना माहामारीका कारण यस पटक भने बिदेशी खेलाडीलाई प्रतियोगितामा सहभागी गराउने सम्भावना कम रहेको ट्रष्टले जनाएको छ ।
