विराटनगर, चैत ३१
धरान होलिडेज प्रालिले दैनिक एक सय रुपैयाँको किस्ताबन्दिमा धरानदेखि पाथीभरा मन्दिरसम्मको हेलिकप्टर यात्रा गराउने योजना ल्याएको छ ।
उक्त किस्ताबन्दीको योजनासहित आगामी वैशाख ५ गतेबाट धरानबाटै पाथीभरा मन्दिरसम्मको हेलिकप्टर उडान सुरु गर्न लागेको धरान होलिडेजले जनाएको छ ।
धरानका कुनै पनि सहकारीमा सदस्य रहेका व्यक्तिले दैनिक १ सय रुपैयाँको किस्ताबन्दीमा पाथीभरा जान पाउने कम्पनीले व्यवस्था मिलाएको छ । त्यसका लागी धरानको अधिकांस सहकारीहरुसँग कुराकानी भईसकेको धरान होलिडेजका संचालक कविन श्रेष्ठले जानकारी दिए ।
उक्त किस्ताबन्दिमा कुनै पनि प्रकारको बियाजीे समेत नलाग्ने कम्पनीले जनाएको छ । सो योजना विराटनगर तथा ईटरीमा समेत ल्याउने कम्पनीले तयारी गरिरहेको छ ।
