निरज बस्नेत
विराटनगर, असोज १०
विराट राजवंशी महोत्सव आजबाट विराटनगरको हाटखोला खेलमैदानमा शुरु हुँदैछ ।
महोत्सवमा रहेका ६० वटा आकर्षक स्टलहरुमध्ये अधिकांश स्टलहरु बुक भईसकेको आयोजक संस्था विराट राजवंशी प्रगतिशिल विकास समाज समितिका अध्यक्ष किरण राजवंशीले जानकारी दिएका छन् । बाँकी रहेका केही स्टलहरुको बुकिङका लागीपनि व्यापारीहरुले सम्पर्क गरिरहेको महोत्सव समितिका प्रमुख व्यवस्थापक नारायण अधिकारीले बताएका छन् ।
मेलामा साथसाथै, बालबालिकाका लागि, बाल उधान, रोटे पिङ, कोलम्वस नाउँ, ड्राइगन रेल, लगायत विविध खेलसामाग्री राखिएको छ । खानाका मिठा–मिठा परिकारको स्टल रहने हुनाले पनि खानाका स्वाद पारखीहरुको लागि महोत्सव थप रमाईलो हुनसक्दछ ।
१२ दिन चल्ने महोत्सवमा आकर्षणका रुपमा स्थानीय,राष्ट्रिय तथा अन्तराष्ट्रिय कलाकारहरुको प्रस्तुति समेत रहने महोत्सव समितिका व्यवस्थापक गौरी लिम्वूले बताएका छन् । यसपालि राष्ट्रिय कलाकारहरुमा, सुमित खड्का, ज्योती मगर, प्रमोद खरेल, टंक बुढाथोकी, मेलिना राई, प्रिती आले, प्रकाश सपूत, अशोक दर्जीको साथमा नेपालीभाषी अन्र्तराष्ट्रिय गायक प्रशान्त तामाङको समेत बेजोड प्रस्तुति रहने बताईएको छ ।
आज १० असोज घटस्थापनाको दिनमा शुरु भएको महोत्सव २१ असोजसम्म गरी १२ दिनसम्म चल्नेछ । प्रत्येक दिन विहान ११ बजेदेखी राती १० बजेसम्म महोत्सव संचालन हुनेछ । यसअघिको प्रथम विराट राजवंशी महोत्सव अत्यधिक सफल रहेको थियो । यो विराटनगर राजवंशी महोत्सवको दोस्रो संस्क्रमण हो ।
