विराटनगर, पुष ३
निरज बस्नेत
कतारमा जारी रहेको विश्वकप फुटवल २०२२ अन्र्तगतको फाइनल भिडन्त आइतवार हुने छ । नेपाली समय अनुसार फाइनल खेल आज राती ८ः४५ मा शुरु हुने छ ।
मिडीया हवको एकलौटी ज्यादती पनि सेमीफाइनल देखी नै अन्त भएको थियो । आजको फाइनल खेल हिमालय प्रिमियम देखी बाहेक अन्य च्यानलबाट समेत दिने छ । साथमा क्युएफएक्स मल्टिप्लेक्सबाट समेत प्रत्यक्ष प्रसारण गरिनेछ ।
विश्वकप फृटवल महासंग्राम आजको फाइनलसँगै विधिवत् रुपमा अन्त हुनेछ । यो सँगै आगामी ४ बर्षको विश्वकप फुटवल संयुक्त रुपमा अमेरिका, मेक्सिको र क्यानडामा संचालन हुने फिफाले जनाएको छ । यससँगै क्लव स्तरिय विश्वकप फुटवल सन् २०२५ मा मेक्सिकोमा गर्ने कुराको एनाउस्मेन्ट समेत फिफा द्दारा जारी प्रेस विज्ञप्तिमा जनाइएको छ ।
विश्वकप फुटवलमा आम नेपाली दर्शकमाथि मिडीया हवले अत्याचारको सिमा नाघी रु. ५६५ असुलेको थियो । जुन बाध्यतामा नेपाली फुटवलप्रेमीले तिरेका थिए । नेपाल सरकार लाचार बनिदिदाको परिणाम मिडीया हवले उठायो । मिडीया हवका प्रमुख सोम धित्तालले व्यक्तिगत रुपमा यसवाट मनग्गै आम्दानी त पक्कै पनि गरे । फलस्वरुप नेपाली जनताको इच्छा विपरितको अवस्थामा यो संभव त भयो । साथमा भित्रैदेखी मिलेमतो सरकारकै रह््यो । खैर यो त असन्तुष्टिका कुराहरु चित्त नबुझ्दा लेखियो । बाँकी जनता जनार्दन ।
आज हुने फाइनल खेल धेरै मानेमा रोचक हुदैछ । नेपाली समयअनुसार ठिक समयमा फाइनल खेल शुरु हनेले पनि प्रायको निन्द्रा समेत नविग्रीने देखिन्छ । अझ फुटवल खेल छोटो–मिठो हुने कारण संसारभरका दर्शकले रुचिपूर्वक हेर्ने गर्छन् । अरु खेलको तुलनामा फुटवल मज्जाले बुझ्न सकिन्छ ।
फ्रान्सका एमबाप्पे र अर्जेन्टिनाका मेसीको खेललाइ लिएर आम फुटवल फ्यानमा उत्सुकता छ । अर्जेन्टिनाका गोलकिपर इमिलियानोको गोल रोक्नसक्ने कला आज हेर्न लायक हुनेछ । लुसेल रंगशालामा आजको फाइनल खेल खेलाइनेछ । अर्जेन्टिनासँग मेसीको अनुभव छ । यता मेसी आफै पुरै लयमा छन् । मेसी जारी विश्वकपको गोल्डेन बुटको प्रवल दावेदार हुन् । मेसीले जारी विश्वकपमा अहिलेसम्म ५ गोल हानिसकेका छन् । ३ असिष्ट समेत पनि छेट्टै समावेश छ ।
अर्जेन्टिनाले गत वर्ष रियो दी जेनेरियोको माराकाना रंगशालामा प्रमुख प्रतिद्दन्दी ब्राजिललाई हराएर कोपा अमेरिकाको उपाधि जितेको थियो । यही खेलको सफलताको संझना र मेसीको उपस्थितिका कारण फ्रान्ससँग फाइनलमा डराउनुपर्ने कुनै कारण नभएको अर्जेन्टिनासँग छ ।
धेरैले चाही फ्रान्सलाई नै उपाधि दावेदार समेत मानेका छन् । दुवै टोलीले अहिलेसम्म २–२ पटक विश्वकप घर लगिसकेका छन् । यो विश्वकप फ्रान्स एवं अर्जेन्टिना दुवैको लागि तेस्रो विश्वकप घर ल्याउने राम्रो चान्स बन्न सक्छ । फ्रान्ससँगको विश्वकप मेसीको लागि अन्तिम विश्वकपको यात्रा हुनसक्दछ । यसै कारण पनि मेसीको लागि यो अवसर अन्तिम हुनसक्दछ । यो गोल्डेन मौका यसपाली नचुकाउने स्वं मेसी बताउँछन् ।
मेसी र पेरिस सेन्ट जर्मेनबाटखेल्ने उनका साथी फ्रान्सका फरवार्ड केलियन एमबाप्पेबीच नै फाइनल खेल केन्द्रित हुनेमा अर्जेन्टिनाका प्रशिक्षक लियोनल स्कालोनी सहमत देखिएका भने छैनन् । उनको भनाइमा अव हुने फाइनल खेल फ्रान्स विरुद्द अर्जेन्टिनाको हो । मेसी विरुद्द एमवाप्पेको होइन ।
अर्जेन्टिनाले फाइनलसम्म यात्रा गर्दा सवै ६ खेल खेलेका डी पाउलले कुनैपनि गोल गर्न सकेनन् । तर, यिनी अर्जेन्टिनी टोलीका भरपर्दा खेलाडी हुन् । स्टाइकरद्दय मेसी र जुलियन अल्भारेजको ठीकमुनि रहेर खेल्ने यिनले अहिलेसम्म खेल समन्वय राम्ररी निर्वाह गरिरहेका छन् ।
यता फ्रान्सका ग्रिजमनको फेरिएको शैली कतार विश्वकपमा स्पष्ट देखिन्छ । विगतमा फरवार्डको भूमिका खेल्दै आएका यिनले फ्रान्सेली टोलीका अग्रपंक्तिका खेलाडीहरु एमबाप्पे, ओसमान, जिरुडलाइ सघाउँदै आएका छन् ।
तेस्रो स्थानको लागि भएको खेलमा क्रोएसिया विजयी भएको छ ।
फुटवल विश्वकप आज विराटनगरको पारिजात होटलमा समेत देखाइने कुराको जानकारी पारिजात होटलका संचालकद्दय परशुराम–परितोष(बुवा–छोरा) गिरी बताउँछन् ।
