निरज बस्नेत
विराटनगर, पुष १५
विश्वविख्यात फुटवल प्लेयर एडसन अरान्ते दो नासिमेन्तो(पेलेको नामले संसारभर चर्चित)को निधनले आज विश्व जगत्लाई दुःखित बनाएको छ । ८२ वर्षको उमेरमा पेलेको मृत्यु भएको हो । लामो समयदेखी पेले क्यान्सरबाट पीडित रहदै आएका थिए ।
साओ पाउलोको अल्वर्ट आइन्स्टाइन अस्पतालले स्थानीय समयअनुसार दिउँसो ३ः२७ बजे पेलेको मृत्यु भएको पुष्टि गरेको थियो । १७ बर्षकै उमेरमा अन्तराष्ट्रिय फुटवलमा पेलेले डेब्यु छलाङ मारेका थिए ।
पेलेले सन् १९५८, १९६२ र १९७० मा विश्वकप जिताएर ब्रालिललाई विश्व फुटवलमा गर्व गर्न लायक ठाउँमा पुर्याएका थिए । विश्वकपमा १४ खेल खेलेका यिनले १२ गोल पनि गरेका छन् ।
सन् २००० मा फिफाले पेलेलाई दशकको खेलाडी घोषणा गरेको थियो । फुटवलमा पेलले ६२ बर्ष विताए । त्यस्तैगरी यिनले २१ वर्ष लामो खेल जीवनमा विश्व कीर्तिमान १ हजार २ सय ८१ गोल गरेका छन् ।
ब्राजिलको जर्सीमा ९२ खेल खेल्दै ७७ गोल समेत पेलेको नाममा छ । पेलेको निधनमा ब्रालिलले ३ दिन राष्ट्रिय शोकको घोषणा गरेको छ । राष्ट्रपति जैर बोल्सोनारोको सरकारले पेलेलाईलाई एक महान् देशभक्ति नागरिको संज्ञा दिएको छ ।
