निरज बस्नेत
विराटनगर, पुष २०
नेपाली क्रिकेट बदनाम बन्दै गइरहेको छ । यसमा क्यानकै नेतृत्व मुख्य दोषी देखिएको क्यानभित्रकै पदाधिकारीको दावी छ ।
साथै यतिवेला नेपाल टी–ट्वान्टी भ्रष्टाचारी र सट्टेबाजको चंगुलमा नराम्ररी फसेको छ । नेपाली क्रिकेटको प्रायःजसो म्याचमा क्रिकेट कमेन्टरको महत्वपूर्ण भूमिका निर्वाह गर्दे आएका सचिन तिमल्सेनाले आफ्नो सामाजिक संजाल मार्फत सवै क्रिकेट पे्रमीहरुको यसप्रति गम्भिर ध्यानाकर्षण गराएका छन् ।
उनले आफ्नो पोष्टमा चिन्तित हुदै लेखेका छन्, सन् २०१७ मा एसियन क्रिकेट प्रिमियर लिग हुँदा कसरी फिक्सिङ हुन्छ भन्ने देखेको थिए । तर, क्याननै समावेश भएकाले क्रिकेट सफा रहन्छ भन्ने मेरो विश्वास र अपेक्षा थियो । तर, प्रतियोगिता दौरान यस्ता घटना मैले देखे, जसले गर्दा यो विवादास्पद मात्र होइन क्रिेकेट बाहेक यसलाइ गलत तरिकाले प्रयोग गरेर फिक्सिङ गराउने गरेको मैले देखे, भन्दै उनले लेखेका छन् ।
यता नेपाली खेलाडीको विचल्ली भएको छ । फिक्सिङ विवादका कारण गाहाे भइरहेको नेपाली टोलीका कप्तान रोहित पौडेल बताउँछन् । यही झमेलाका बीचमा समग्रमा नेपाली प्लेयरहरुको पारिश्रमिक समेत रोकिएको पौडेलले जानकारी गराएँ ।
खेलाडीको साथमा अफिसियलले समेत पारिश्रमिक नपाएको म्याटर पनि छ । आयोजक बेखवर भएको र बेटिङका कारणले विवादै विवादमा मुछिएको नेपाल टीट्वान्टी लिग क्रिकेटमा मंगलवारको खेल जसोतसो भएपनि भयो ।
यसको आगामी बाटो पूरै अनिश्ति जस्तै देखिन्छ । यसैबीच खेल मिलेमतोमा अनुशन्धान गर्न उपप्रधान एवं गृहमन्त्री रवि लामिछानेले प्रहरी प्रधान कार्यालयलाई ठाडो निर्देशन दिएको गृह स्रोत दावी गर्छ ।
