विराटनगर, माघ ९
फिक्सिङ गरेको आरोपमा दुई जना नेपालका क्रिकेट खेलाडीलाई प्रहरीले सोमवार नियन्त्रणमा लिएको छ । साे आराेपमा नेपाली क्रिकेट टोलीका पूर्व राष्ट्रिय खेलाडी महबुब आलम र अहिलेका राष्ट्रिय खेलाडी आदिल अन्सारीलाई प्रहरीले नियन्त्रणमा लिएकाे हाे ।
पूर्वराष्ट्रिय खेलाडी आलमलाई विराटनगरकाे भिन्तुना हाेटलबाट र अन्सारीलाई सप्तरीको राजविराजस्थित पब्लिक बिन्देश्वरी माध्यमिक विद्यालयको खेल मैदानबाट प्रहरीले प्रक्राउ गरेकाे हाे ।
पुस ९ देखि २७ सम्म भएको खेल नेपाल टी–२० लिगका खेलमा फिक्सिङ गरेकाे उनीहरुविरुद्ध आराेप छ । पूर्वराष्ट्रिय क्रिकेट खेलाडी आलम अलराउण्डर हुन्, उनले २००८ मा मोजाम्बिकविरुद्धको खेलमा १० विकेट लिएर रेकर्ड राखेका छन्। अन्सारीले भने गत जेठमा मात्रै अमेरिकाविरुद्धको खेलबाट राष्ट्रिय टिममा डेब्यू गरेका थिए ।
