निरज बस्नेत
विराटनगर, फागुन ६
नामजस्तै फुलवारी चलचित्र राम्रो बनेको छ । यो चलचित्र हेरी हलबाट बाहिरिएका केही दर्शकको प्रतिक्रिया स्वरुप आएको कमेन्ट बेस्ट छ । चललचित्रलाई रामबाबु गुरुङले निर्देशन गरेका छन् । गुरुङ राम्रो कन्टेन्टमा मुवी बनाउन खप्पिस मानिन्छन् ।
कन्टेन्ट राम्रो भएर नै विराटनगरका प्रभावशाली कलाकार विपिन कार्कीले फूलवारीमा काम गरेको बताउँछन् । कार्कीले नेपाली फिल्म इन्स्ष्ट्रीजमा गतिलै छाप पनि छोड्ने गर्छन् । यिनको अभिनयको तारिफ चौतर्फी हुने गरेको छ । विराटनगरका विवेकराज जोशी त कार्कीको अभिनयको मुक्तकण्ठले तारिफ गर्छन् ।
चललचित्रमा कार्की देखी वाहेक दयाहाङ राईको समेत प्रस्तुती हेर्न पाइन्छ । राइको त झन् कलाकारिता उँचाइमा छ । थिएटर हुदै ठूलो पर्दामा छलाङ मारेका राई आफैमा बहुप्रतिभाशाली कलाकार मानिन्छन् । त्यस्तैगरी फूलवारीमा प्रियंका कार्कीको अभिनयले त दर्शकललाई २ घण्टा १० मिनेट समय वितेको पत्तै दिदैन । कथामा बाधिरहन प्रियंकाको एक्टिङले चलचित्रमा जान थपेको छ ।
इलामको एउटा सानो गाउँमा रिटायर्ड लाइफ विताइरहेका श्रीमान् जयनारायण शर्मा र श्रीमती लक्ष्मी शर्माको जीवनका आरोह–अवरोह मुवीले समेटेको छ । उक्त कथामा उनीहरुको संतानको राम्रो भविष्यको लागि अभिभावकले गरेको संघर्षलाई फिल्ममा रोचक ढंगले देखाउन निर्देशक सफल भएका छन् ।
बाँकी भरपूर मरमसला त अरु चलचित्र जस्तै छदैछ । फूलवारी अहिले देशभर चलिरहेको छ ।
