निरज बस्नेत
कीर्तिपुर, काठमाडौं, फागुन ६
आइसिसी क्रिकेट लिग २ मा नेपालले लगातार तेस्रो जित दर्ता गरेको छ । क्रिकेटमा नेपालले यसैगरी जित निकाल्ने हो भने नेपाली क्रिकेटको भविष्य सुनौलो छ भन्छन्, विराटनगरका समाजसेवी क्रिकेटप्रेमी पारस थापा ।
शनिवार कीर्तिपुर मैदानमा भएको खेलमा नेपालले नामिवियालाई ३ विकेटले हराउन सफल भयो । जारी प्रतियोगितामा नेपालको यो लगातारको तेस्रो जित हो । नेपालले यसअघि नामिविया र स्कटल्याण्डलाई हराएको थियो ।
नामिवियाले पहिले ब्याटिङ गर्दे निर्धारित ५० ओभरमा २७४ रनको सम्मानजनक स्कोर बनाएको थियो । एकदिवसिय क्रिकेटमा यो स्कोरलाई डिफेन्डिङ स्कोर मानिन्छ । यता जवाफी ब्याटीङ गर्दे नेपालले ४७.३ ओभरमा ७ विकेटको नोक्सानीमा विजय प्राप्त गर्यो ।
नेपालको यो २७० रन भन्दा माथिको तेस्रो लगातारको जित समेत हो । नेपालका लागि आसिफ शेखले सर्वाधिक ८१ रन बटुले । ज्ञानेन्द्र मल्लले ६५ रन बनाए । कुशल भुर्तेलको नाममा ६२ रन भयो । कप्तान रोहित पौडेलले ३९ रन बनाउन भ्याए । कुशल भुर्तेल १ रनमा पवेलियन फर्के ।
नेपालको जितमा आशिफ र ज्ञानेन्द्रको दोस्रो विकेटका लागि १३९ रनको साझेदारी कोशेढुङा सावित भयो । यसअघि लिगको पहिलो खेलमा कुशल भुर्तेल र रोहित पौडेलले १३३ रनको साझेदारी गरेका थिए । जारी लिगमा कुशलले लगातार २ अर्धशतक हानिसकेका छन् ।
