पोखरा,भाद्र १२
माया प्रेमको कथा वस्तुमा बन्न लागेको नेपाली चलचित्र ‘गुन्जन’को सुटिङ मंगलवारबाट पोखरामा सुरु भएको छ । फिल्मको अधिकांश भाग पोखरामा नै सुटिङ हुने बताईएको छ ।
महेश दवाडीको लेखन रहेको चलचित्रमा चितवनका नायक प्रितम राज सेन्चुरीको मुख्य भूमिका रहने छ भने प्रितमको साथ नायिका सारा श्रीपालीले दिने छिन् । साराले यस अघि चलचित्र ‘सुश्री सम्पत्ती’मा अभिनय गरेकी थिईन । प्रितमको भने यो पहिलो चलचित्र हो । चलचित्रमा बरिष्ठ अभिनेता सरोज खनालको अभिनय पनि रहने छ । त्यस्तै चलचित्रमा नायक कबिर खड्काको पनि भूमिका रहेको छ ।
चलचित्र ‘गुन्जन’ हरि कृष्ण शाहीको प्रस्तुतीमा बन्न लागेको छ भने यसमा सुनिता शाहीको लगानी रहने छ । चलचित्रको छायंकन भने राजेश श्रेष्ठले गर्दै छन् ।
