विराटनगर, पुष ४ । भारतको अयोध्यामा निर्माण गरिएकाे विश्व चर्चित रामको मन्दिरमा प्राणप्रतिष्ठा गर्ने दिन विराटनगरका विभन्न संघसंस्थाहरुले भव्य रुपमा सामुहिक दीप प्रज्वलन गर्ने भएका छन् । साे मन्दिरमा जवनरी २२ तारिक रामको बाल स्वरुप नयाँ मुर्ति प्राणप्रतिष्ठा गरिँदैछ । प्राण प्रतिष्ठाको दिन विराटनगरको हिन्दु स्वयंसेवक संघ नेपाल,न्युरो कार्डियो एण्ड मल्टिस्पेशियालिटी हस्पिटल, झिः पुच विराटनगर, न्युरो बंग्लामुखि सोसाईटी, ब्रह्मकुमारी राजयोग केन्द्र र नागरिक समाजले दिप प्रज्वलन लगाएत विभन्न धार्मिक कार्यक्रम गर्न लागेका हुन् ।
उनीहरुले बुधबार न्युरो कार्डियो एण्ड मल्टिस्पेशियालिटी हस्पिटलमा पत्रकार सम्मेल गरी साे अवसरमा सबैकाे घरमा दिप प्रज्वलन र भजन कृतन गर्न आग्रह समेत गरेका छन् । साेही अवसरमा न्युरो हस्पिटलले लक्ष्मी नारायण मन्दिरका वटुकाको स्वस्तीवाचनसँगै साँस्कृतिक नृत्य समेत गराउने भएकाे छ । कार्यक्रममा बाेल्दै न्युराेका संचालक डा विरेन्द्र विष्टले साईन्सबाट हुने सबै उपचार डाक्टरले गर्ने तर उपचारपछि त्यस शरिरमा प्राण दिने काम भागवानले गर्ने भएकाले अस्पतालसँगसगै समाजमा मठ-मन्दिरकाे आवश्यकता पनि उत्तिकै रहेकाे औलाए ।
हिन्दु स्वयम् सेवक संघ नेपालका प्रतिनिधि महेन्द्र शाहले तनमा चाेट लागे अस्पताल, मनमा चाेट लागे मन्दिर चाहिने भएकाले मन्दिर समाजकाे अपरिहार्य संरचाना रहेकाे बताए ।
