२१ चैत्र २०८१, शुक्रबार
04-04-2025 , Fri
Gold Silver Price (19 chaitra 2081, TUE)
Fine Gold 1 Tola NRs. 180200
Silver 1 Tola Nrs. 2050

सेलो तेलको फेक भिडियो बनाउनेविरुद्ध प्रहरीमा उजुर

Logo
जनचर्चा संवाददाता प्रकाशित शुक्रबार, चैत्र ०९, २०८०

विराटनगर, चैत ९
फेक भिडियो बनाएर आफ्नो उत्पादनलाई बदनाम गराउन खोजेका भन्दै सेलो तेलको उत्पादक बागमती आयल ईण्डसट्रिजले प्रहरीमा उजुर दिएको छ ।
सेलो ब्राण्डको सुर्यमुखी तेलमा कैफियत भेटिएको भन्दै मंगलबार एक फेसबुक पेजले भिडियो पोष्ट गरेको थियो । जुन भिडियोमा एउटा कन्ती देखाईएको छ, त्यो कन्तीमा लस्साजस्तो पदार्थ टाँसिएको छ र एक व्यक्तिले सेलो तेलको खाली खोल देखाँउदै सो लस्सा जस्तो पदार्थ सेलो तेल भएको लाञ्छना लगाईरहेका छन् । सो भिडियोलाई अन्य थुप्रै युजर तथा पेजहरुले डाउनलोड गरी पोष्ट र सेयर गरिरहेका छन् । अहिले सो भिडियो फेसबुकमा भाईरल छ ।

यता उद्योग संचालकले भने भिडियो सत प्रतिशत फेक भएको ठोकुवा गर्दै प्रहरीको साईबर सेलमा उजुर दिएका छन् । फेक भिडियो बनाउने र नियतबस सेयर गरी कम्पनीलाई बदनाम गराउनेहरुको उपर कारबाहीको माग गर्दै साईबर सेलमा उद्योगका संचालकले उजुर दिएका हुन् । केही अनाधिकृत पेजहरुले भ्युज र डलर कमाउनका लागी मात्र बिना कुनै अनुसन्धान सेलो तेलविरुद्ध भिडियो बनाएकोमा समेत कम्पनीले आपत्ति जनाएको छ । उद्योगका प्रबन्धक भन्छन् “एक पोका तेलमा कैफियत हुँदा त्यस लटको सबै तेलमा समस्या देखिनु पर्ने हो, तर त्यस्तो भएको छैन ।” लटको हजारौ पोका तेलमाध्ये एक पोका तेलमा मात्र कैफियत भेटिनु शंकास्पद भएको उनको बुझाई छ ।

यस विषयमा रसायनज्ञहरुले समेत तेललाई तताएर लस्सा बनाउन नसकिने प्रतिक्रिया दिएका छन् । अझ सर्यूमुखी तेलजस्तो हाईटेम्प्रेचरमा प्रोसेस गरिएको तेललाई भन्सामा तताएर सजिलै लस्सा बनाउन नसकिने रसायनज्ञ बताउँछन् । भिडियोमा देखाईएजस्तो कैफियतको आधारहरु नभेटिएपछि ब्राण्डलाई बदनाम गराउने नियतले कुनै समुहले सो प्रपंच रचेको हुनसक्ने उद्योग संचालकको आशंका छ ।
उद्योगले आफ्नो ग्राहकलाई फेक भिडियो हेरेर भ्रममा नपर्न भन्दै बागमित आयलको उत्पादन निर्धक्क भएर सेवन गर्न आग्रह गरेका छन् । बागमतीका उत्पादनमा कुनै पनि कैफियत भेटिए त्यसको शतप्रतिशत जिम्मेवारी कम्पनीले लिने भन्दै उपभोक्तालाई ढुक्क हुन भनिएको छ ।

कमेन्ट गर्नुहोस्
सम्बन्धित

काठमाडौँ,१९ चैत । साथीलाई गोली लागेको विरोधमा कोटेश्वर बहुमुखी क्याम्पसका विद्यार्थीहरूले प्रदर्शन गरेका छन्। क्याम्पसमा बीबीएस तेस्रो बर्षमा अध्ययन गरिरहेकी विद्यार्थी रेविका खत्रीलाई गत चैत १५ गतेको आन्दोलनमा आफ्नै निवास नजिक गोली लागेको र अस्पतालको सघन उपचार कक्षमा उपाचार भइरहेको विद्यार्थीले बताएका छन्। उनको न्यायका लागि र दोषीलाई कडा भन्दा कडा कारबाहीको माग गर्दै विद्यार्थीहरू आन्दोलित […]

काठमाडौं १५ चैत ।  आज काठमाडौंमा एकसाथ गणतन्त्र पक्षधर र पूर्वराजा समर्थकले प्रदर्शन गर्ने भएका छन् । समाजवादी मोर्चामा आबद्ध नेकपा (माओवादी केन्द्र), नेकपा (एकीकृत समाजवादी), नेपाल समाजवादी पार्टी र विप्लव नेतृत्वको नेकपाले भृकुटीमण्डपमा प्रदर्शन गर्ने भएको हो । देशमा प्रतिगामी तत्वहरुले टाउको उठाउन खोजेको भन्दै उनीहरु व्यवस्था जोगाउन र सरकारको गलत क्रियाकलापको खबरदारीका रुपमा सडकमा […]

काठमाडौं १४ चैत । राष्ट्रिय प्रजातन्त्र पार्टीका प्रमुख सचेतक तथा प्रवक्ता ज्ञानेन्द्र शाहीले नेकपा माओवादी केन्द्रका कार्यकर्ताहरुले आफूविरुद्ध अफवाह फैल्याएको आरोप लगाएका छन् । पछिल्लोसमय माओवादी अध्यक्ष एवं पूर्वप्रधानमन्त्री पुष्पकमल दाहाल प्रचण्ड र शाहीबीच नेपाल विद्युत् प्राधिकरणका निर्वतमान कार्यकारी निर्देशक कुलमान घिसिङको विषयमा होस् या राजावादी आन्दोलनको विषयमा कुराकानी भएको भन्दै फेक च्याटहरु भाइरल भएका थिए […]