ईटहरी, असाेज १३ । सप्तकोशी नदीमा पानीको बहाव ५६ वर्षपछि उच्च विन्दुमा पुगेको छ। आइतबार बिहान ६ बजेको मापन अनुसार, कोशी ब्यारेजबाट प्रतिसेकेन्ड ६ लाख ६१ हजार २९५ क्युसेक पानी बगिरहेको छ। यो मात्रा अति खतराको सूचक भन्दा माथि छ।
शनिबार साँझदेखि वर्षा रोकिए पनि पानीको बहाव निरन्तर बढिरहेको छ। चतरा जल मापन केन्द्रमा शनिबार राति ११ बजे जलसतह खतरा तहभन्दा ११.२६ मिटर माथि पुगेको थियो र अझै बढ्ने सम्भावना रहेको छ।
यस परिस्थितिलाई मध्यनजर गर्दै, सप्तकोशी चतरा जलमापन केन्द्रले उदयपुर, सुनसरी र सप्तरीका बाढी प्रभावित क्षेत्रका बासिन्दालाई सुरक्षित स्थानमा सर्न आग्रह गरेको छ। साथै, कोशी ब्यारेजमा मानिस र सवारी साधनको आवागमन अर्को सूचना नआएसम्म बन्द गरिएको छ।
यसअघि सन् १९६८ मा कोशी ब्यारेजमा प्रतिसेकेन्ड ७ लाख ८८ हजार २०० क्युसेक पानीको बहाव मापन गरिएको थियो, जुन अहिलेसम्मकै उच्च रेकर्ड हो। वर्तमान स्थिति यस रेकर्डको नजिक पुग्दैछ।
